Kinsa ang Dios?

Ang mahiusa sa Dios, sa labaw sa tanang makagagahum, mahigugmaon, malalangon,masinabtanon, sa Amahan ni Kristo, ang misteryo sa kasaysayan, si Yahweh
ang kanunayng nagauban kanato, maoy handom sa kasingkasing sa tawo. Ngano ka ha? Gani, miingon si San Agustin, "Dili mahimutang ang akong kalag, hangtod akong makaplagan ang Dios,"


Daghan man gikawilihan ang tawo, daghang gusto, daghang gipangita, apan dili gyod hingpit nga makatagbaw sa iyang kauhaw, sa kamingaw, sa iyang panginahanglan, daw Dios ang hingpit nga tubag sa panginahanglan sa tawo. Ang tawo panginahanglan, ang Dios maoy katagbawan.

Apan Kinsa o unsa ang Dios? Ang nagkadaiyang katawhan nagkadaiya pod ang paghingalan kaniya. Ang mga pilosop ug sayantipiko gahandom usab sa katahoman, kaayo, ug kamatuoran. Ang mga Taoist, nangita usab sa 'Dalan'. Ug uban pa.

Mailhan ba ang Dios? Paunsa siya nagapaila? Karong panahona, diin masaksihan ang presensiya sa Dios. Daghan pa ba mga tawo ang gapangita ug gasunod Kaniya?